"Манчестер Юнайтед" бош мураббийи нима учун "Тоттенхэм"га қарши ўйинда захирадан майдонга тушишдан бош тортган ҳужумчи Криштиану Роналдуни жазолашга қарор қилганини тушунтирди.
Эслатиб ўтамиз, португалиялик футболчи финал ҳуштаги янграшидан олдин "Олд Траффорд"ни тарк этганди.
“Мен мураббийман ва мен стандартларни белгилайман. Мен бу жамоадаги маданият ва қадриятлар учун жавобгарман. Роналду “Райо Вальекано”га қарши ўртоқлик ўйинида финал ҳуштаги чалингунча стадионни тарк этганида, мен шунчаки буни қабул қилиб бўлмаслигини айтдим. Бу ҳодиса иккинчи марта такрорланганида, албатта жазолаш керак. Футбол жамоавий ўйин. Сиз баъзи стандартларни белгилашингиз керак" - деди Тен Хаг матбуот анжуманида.
