Франк Рибери бугун фаолиятини якунлаганини эълон қилди. 39 ёшли франциялик футболчи "Салернитана" сафида икки марта ўйнаганидан кейин август ойидан бери майдонга тушмади.
“Сўнгги бир неча ой ичида қўлимдан келганини қилганимга қарамай, тиззамдаги оғриқ кучайиб кетди. Шифокорлар ўйнашни тўхтатишдан бошқа иложим йўқлигини аниқ айтишди. Шунинг учун мен профессионал фаолиятимни якунлашим керак эди”, - деди Рибери ижтимоий тармоққа жойлаган видеода.
Франк Рибери барча ҳамкорлари ва мураббийларига ҳамда мухлисларга миннатдорчилик билдирди. Франциялик футболчи мураббий бўлиши мумкинлигини ҳам айтиб ўтди.
"Бу менинг футболчи сифатидаги бўлимнинг охири, аммо профессионал тарихимнинг охири эмас. Бунга ишончингиз комил бўлиши мумкин", - деди Рибери.
