"ПСЖ" ҳужумчилари Килиан Мбаппе ва Лионель Месси мос равишда Лига 1 тўпурари ва ассистентлик пойгаларида пешқадамлик қилишмоқда.
"ПСЖ"нинг "Аяччо" билан ўйинидан сўнг, 23 ёшли франциялик футболчи мавсумнинг ўн бир ўйинида ўнта гол урди. У "Аяччо" дарвозасига иккита гол урди ва бу унга жамоадоши Неймар ва "Лилль"нинг канадалик ҳужумчиси Жонатан Дэвиддан ўзиб кетишга ёрдам берди.
Этиборлиси, Мбаппе иккала голни ҳам Лионель Мессининг узатмаларидан сўнг урди, бу эса аргентиналикка Лига 1 ассистентлик пойгасида биринчи поғонага чиқиш имконини берди. Месси ўн бир учрашувда 9та голли узатмани амалга оширди, у ҳам бу кўрсаткич бўйича Неймарни ортда қолдирди.
“ПСЖ” – “Аяччо” учрашуви 3:0 ҳисобида парижликлар фойдасига ҳал бўлди. Эътибор беринг, айнан Мбаппенинг узатмасидан сўнг Месси рақиб дарвозасига гол киритди.
"ПСЖ" Лига 1нинг 12-туридан кейин 32 очко билан пешқадамлик қилмоқда. Парижликлар Франциянинг жорий чемпионатида бирорта ҳам ўйинда мағлубиятга учрамаган.
