"PSJ" hujumchilari Kilian Mbappe va Lionel Messi mos ravishda Liga 1 to‘purari va assistentlik poygalarida peshqadamlik qilishmoqda.
"PSJ"ning "Ayachcho" bilan o‘yinidan so‘ng, 23 yoshli fransiyalik futbolchi mavsumning o‘n bir o‘yinida o‘nta gol urdi. U "Ayachcho" darvozasiga ikkita gol urdi va bu unga jamoadoshi Neymar va "Lill"ning kanadalik hujumchisi Jonatan Deviddan o‘zib ketishga yordam berdi.
Etiborlisi, Mbappe ikkala golni ham Lionel Messining uzatmalaridan so‘ng urdi, bu esa argentinalikka Liga 1 assistentlik poygasida birinchi pog‘onaga chiqish imkonini berdi. Messi o‘n bir uchrashuvda 9ta golli uzatmani amalga oshirdi, u ham bu ko‘rsatkich bo‘yicha Neymarni ortda qoldirdi.
“PSJ” – “Ayachcho” uchrashuvi 3:0 hisobida parijliklar foydasiga hal bo‘ldi. E’tibor bering, aynan Mbappening uzatmasidan so‘ng Messi raqib darvozasiga gol kiritdi.
"PSJ" Liga 1ning 12-turidan keyin 32 ochko bilan peshqadamlik qilmoqda. Parijliklar Fransiyaning joriy chempionatida birorta ham o‘yinda mag‘lubiyatga uchramagan.
