Чемпионлар лигаси гуруҳ босқичи 4-турида “Милан”га қарши ўйинда (2:0) жароҳат олган “Челси” ва Англия терма жамоаси ҳимоячиси Рис Жеймс Қатарда бўлиб ўтадиган Жаҳон чемпионатига қадар тикланиши мумкинлиги ҳақида ўз фикри билан ўртоқлашди.

“Болалигимда мен доим жаҳон чемпионатига боришни хоҳлардим ва бу менинг биринчи имкониятим. Мен у ерда бўлиш учун қўлимдан келган барча ишни қиламан, лекин мен хафа бўлдим. Жароҳат нотўғри вақтда келди”, деди Жеймс.

22 ёшли Жеймс жорий мавсумда “Челси” сафида 11 та ўйинда майдонга тушиб, 2 та гол урди ва 2 та голли узатмани амалга оширди.