"Арсенал"нинг собиқ футболчиси, ҳозирда футбол эксперти Пол Мерсон "Манчестер Юнайтед" ҳужумчиси Криштиану Роналду ҳақида ўз фикрлари билан ўртоқлашди.
"Криштиану ўз обрўсини кўммоқда. Бундай хатти-ҳаракат қабул қилиниши мумкин эмас. У шунчаки жамоага "тупурди". Роналду фақат ўзини ўйлайди. Унинг хатти-ҳаракати бутун клубда акс эттирилган", - дейди Sky Sports мутахассиси.
Яқинда "Тоттенхэм"га қарши уй учрашувида Роналду захирадан майдонга тушишни рад этиб, захира ўриндиғини тарк этди. Клуб 37 ёшли футболчини жарима ва асосий жамоадан четлаштириш билан жазолади.
