Италия терма жамоаси бош мураббийи Роберто Манчини Қатарда бўлиб ўтадиган 2022 йилги жаҳон чемпионатига чиқа олмаганидан сўнг ўз лавозимини тарк этмоқчи эканлигини тан олди.

“Баъзида сизга омад керак бўлади, 2020 йилги Европа чемпионатида бўлгани каби, биз ғалаба қозонишга лойиқ эдик.

Оғир бўлса ҳам мағлубиятларни унутишимиз керак. Ишлар нотўғри кетса, масъулият мураббийда эканлиги аниқ. (2022 йилги жаҳон чемпионатига саралашдаги муваффақиятсизликдан сўнг) Мен ҳам кетиш ҳақида ўйладим", - дея Манчини сўзларини келтиради La Gazette Dello Sport.

Италия терма жамоаси Евро-2024 саралашида Англия, Украина, Шимолий Македония ва Мальта билан саралашнинг C гуруҳида ўйнайди.

Учрашувлар 2023 йилнинг 23-25 март кунлари бошланади ва 2024 йилнинг 26 мартида якунланади.