"Барселона" бош мураббийи Хави ярим ҳимоячи Френки де Йонг ҳақида илиқ фикр билдирди.
“Менга Френки ёқади, у жуда катта салоҳиятга эга. У ҳимояда жуда яхши, лекин ҳужумда ундан ҳам зўр. У бош зонага киради ва охирги пасни қандай қилиб етказишни билади. Френки сўнгги ўйинни ажойиб ўтказди ва у шундай давом этиши керак”, деди Хави.
Аввалроқ, футболчи жамоадаги ўрнидан норозилиги ва уни тарк этмоқчи эканлиги ҳақида хабарлар тарқалган эди.
Жорий мавсумда Френки барча турнирларда 12та ўйинда қатнашиб, бир марта рақиб дарвозасини ишғол қила олди.
