"Интер" ҳужумчиси Лаутаро Мартинес "Бавария" ва "ПСЖ" клубларининг қизиқишлари ҳақидаги хабарларга муносабат билдирди.
“Бу ерда беш йилдан бери ишлайман, “Интер”да бахтлиман. “Интер” афсонасига айланишга жуда умид қиламан. Мен бир йил аввал янги шартнома имзолаганман ва бор этиборимни фақат “Интер”га қаратганман”, - дея Мартинеснинг сўзларидан иқтибос келтиради журналист Фабрицио Романо ижтимоий тармоқдаги саҳифасида.
Эслатиб ўтамиз, Мартинес 2018 йилда "Расинг"дан "Интер"га ўтганди. Милан клуби таркибида аргентиналик ҳужумчи Италия чемпиони (2020/2021 йилги мавсум), мамлакат кубоги (2021/2022 йил) ва Суперкубоги (2021) соҳибига айланди. 25 ёшли футболчи жорий мавсум А Серияда 11 та ўйинда майдонга тушиб, 6 та гол урди ва 2 та голли узатмани амалга оширди.
