"Барселона" ярим ҳимоячиси Серхио Бускетс Испания чемпионатининг 11-туридан ўрин олган "Атлетик Бильбао"га (4:0) қарши ўйин натижаларини сарҳисоб қилди.
“Биз рақибимиз жуда кучли жамоа эканлигини билар эдик. Биз уларнинг интенсивлигига мос ҳаракатлар қилдик. Бугун жамоа ўйин бошидан ажойиб ҳаракат қилди. Мақсадимиз сифатли футбол кўрсатишда ва ғалаба қозонишда давом этиш. “Реал”га ютқазганимизда қийин даврни ўтказдик, аммо “Вильярреал” ва “Атлетик”га қарши ўйинларда ўзимизни тикладик. Ўйлайманки, Хавини қониқтирса бўлади, ғалабалар руҳиятимизни кўтарди", - дея Бускетснинг сўзларини келтиради Marca.
"Барселона" Испания чемпионатида 11 турдан кейин 28 очко билан иккинчи ўринда бормоқда. Кейинги турда каталонияликлар сафарда “Валенсия” билан учрашади.
