20 июль куни Ўзбекистон Биринчилигининг иккинчи босқич ўйинларига қуръа ташлаш маросими бўлиб ўтади. Қуръа 12:00да бошланади.

Эслатиб ўтамиз, Ўзбекистон Биринчилигининг биринчи босқичида жамоалар икки минтақа – «Шарқ» ва «Ғарб» минтақаларига бўлинган ҳолда баҳс олиб боришди. Иккинчи босқич ўйинларида эса ҳар икки минтақанинг энг кучли саккизтадан жамоаси – жами 16 жамоа иштирок этади.

Иккинчи босқич ўйинларига қуйидаги жамоалар йўлланма олди: «Сўғдиёна» (Жиззах), «Хива» (Хива), «Южанин» (Навоий), «Насаф-2» (Қарши), «Хоразм» (Урганч), «Ёшлик» (Косон), «Бухоро-2» (Бухоро), «Ғаллакор-Автомобилчи» (Ғаллаорол, барчаси «Ғарб» минтақасидан), «Гулистон» (Гулистон), «Оқтепа» (Тошкент), «Янгиер» (Янгиер), «Қўқон-1912» (Қўқон), «НБУ-Осиё» (Тошкент), «Косонсой» (Косонсой), «Чуст-Пахтакор» (Чуст), «Нефтчи» (Тинчлик, барчаси «Шарқ» минтақаси жамоалари).

Ҳар икки минтақада кучли саккизликка кира олмаган жамоалар кузда бўлиб ўтадиган ўтиш босқичи мусобақалари (пулька)да иштирок этади. Бу ҳақда кейинроқ батафсил маълумот берилади.