"Наполи"нинг ҳужумкор ярим ҳимоячиси Хвича Кварацхелия Италия А сериясининг 11-тури доирасидаги меҳмонда пойтахтнинг "Рома" клуби устидан қозонилган ғалаба ҳақида гапирди. Неаполликлар 1:0 ҳисобида ғалаба қозонишди, ўйин якунидаги ягона гол ҳужумчи Виктор Осимхен томонидан киритилди.
“Учта муҳим очко. Яхши болалар. Биз худди шундай руҳда давом этишимиз керак”, — дейилади грузиялик футболчининг ижтимоий тармоқлардаги хабарида.
Италия чемпионатининг 11-туридан сўнг “Наполи” 29 очко жамғариб, иккинчи ўриндаги “Милан”дан 3 очко олдинда бормоқда.
