"Барселона" ҳужумчиси Ансу Фати илк дақиқаларданоқ майдонга тез-тез тушишни истаяпти. 19 ёшли футболчи жорий мавсумда “кўк-анорранглилар” сафида 15 та ўйинда майдонга тушди ва уларнинг бор-йўғи 3 тасида асосий таркибда.
Ўсиб бораётган юлдуз бу ҳолатдан мамнун эмас: Фати у асосий ўйинчи бўлиши керак, деб ҳисобламоқда, журналист Жоан Фонтеснинг фикрича, айни дамда Хави ва унинг мураббийлар штаби бунга рози эмас. Манба берган хабарга кўра, ёш ҳужумчи захирадан майдонга тушишни ёқтирмайди.
Жорий мавсумда Ансу Фати барча мусобақаларда учта гол урди ва учта голли узатмани амалга оширди.
