"Наполи" ҳужумчиси Виктор Осимхен Италия чемпионатида "Рома" клуби устидан қозонилган ғалабаси (1:0) ҳақида гапирди. Нигериялик ҳужумчи учрашув якунида ҳал қилувчи голни киритиб, жамоасига уч очко келтирди.
"Ушбу ўйинда рақиб бизга жуда қийинчилик туғдирди. "Рома" жуда яхши жамоа. Лекин биз кучли жамоа эканлигимизни яна бир бор исботладик, бизни мағлуб этиш осон эмас. Бу гол мен учун жуда муҳим. "Наполи"га яна уч очко олиб келганимдан хурсандман", - деди Осимхенн Football-Italia билан суҳбатда.
Италия чемпионатининг 11-тури якунларига кўра, “Наполи” 3 очколик фарқ билан турнир жадвалида пешқадамлик қилмоқда.
