"Манчестер Юнайтед" бош мураббийи Эрик тен Хаг испаниялик дарвозабон Давид де Хеа билан тузилган меҳнат шартномаси билан боғлиқ вазият ҳақида гапирди. Дарвозабоннинг “қизил иблислар” билан амалдаги шартномаси 2023 йилнинг ёзида якунига етади.
“Де Хеа ҳозирча бир қарорга келмаган. Лекин шуни айтишим мумкинки, унинг жорий мавсумдаги ўйинидан қониқиш ҳосил қилдим. Дастлабки ўйинларда Давид ўзини энг яхши томондан кўрсата олмади, аммо кейин у жуда ишончли бўлди. Унинг ўйинида барқарорлик бор. Айни дамда биз музокараларга эмас, футболга этибор қаратганмиз", - дея мураббийнинг сўзларини келтиради The Sun.
31 ёшли дарвозабон жорий мавсумда АПЛда 11 ўйинда майдонга тушиб, шулардан бештасида дарвозаси даҳлсизлигини сақлаб қолди.
