Бугун Про лиганинг 23-тур ўйинларига якун ясалади. Турнинг марказий учрашуви Андижон шаҳридаги "Бобур Арена"да майдон эгалари - "Андижон" ҳамда "Турон" жамоалари ўртасидаги ўйин бўлиб ўтади.

Агар "Андижон" 23-турда "Турон" жамоасини мағлуб этса Про лига-2022 ғолиблигини кафолатлайди, мусобақа финишидан 5 тур аввал Суперлига-2023 йўлланмасини нақд қилади ва ўз тарихида тўртинчи бор қуйи лигадан юқори дивизионга кўтарилади.

Маълумот учун “бургутлар”нинг Ўзбекистон чемпионати юқори дивизионидаги иштироклари сони ҳозиргача 26 тани ташкил этади.

Учрашув бугун соат 15:30да бошланади ва "FutbolTV" орқали тўғридан-тўғри эфирга узатилади.