Бугун Суперлигада 23-тур старт олади. Доимгидек яхши ўйинлар бор. Ушбу тур ҳақида ЎзПФЛ бош директори Диёр Имомхўжаев ўз фикрларини билдирди.

"Сурхон" — "Қизилқум" тўқнашувининг марказида Ҳамид Актамов турибди. Амалдаги ва собиқ жамоаси ўйнайди. "Қизилқум"нинг 2022 йилги мавсум учун селекциясида Актамов бевосита иштирок этганди. Бугун Навоий шарафини ҳимоя қилаётган футболчиларнинг ғурури ва ори синовдан ўтади, дейиш мумкин.

"Пахтакор" — "Локомотив". Тошкент дербиси ҳар қачонгидан қизиқарлироқ, завқлироқ. Ҳар иккисига очко сув ва ҳаводек зарур. "Пахтакор" чемпионлик учун, "Локомотив" лигада жон сақлаш учун курашяпти. Бир неча йиллар олдин шундай тўқнашувлар "Пахтакор" — "Трактор" ўртасида ўтар ва одатда очко кимга кўпроқ керак бўлса, ўшанинг ғолиб чиқиши осонроқ бўларди. Бугун эса футбол ўзгарган, деб ишоняпмиз. Бугун очко улашилинмайди, бугун очко суғуриб олинади.

Кубок финали олдидан "Насаф" ҳам, "Навбаҳор" ҳам ўз мухлислари кўз ўнгида майдонга чиқади. Рақиблар жуда ўхшаш, турнир жадвали экваторида эканидан тортиб, асосан ёшларга суянаётганигача бир хил. Бу "Пахтакор" ҳамшаҳарларига, "Насаф" ва "Навбаҳор" эса фақат ва фақат ўзига ишониши керак бўлган тур.

Сўнгги кунда Қосимов ва Абрамов тўқнашуви бор. Албатта илк ғалабадан кўра лига иштирокчилари сонини ошириш ҳақида қайғуриш осонроқ, биз бунга кўникиб кетганмиз. Шундан келиб чиқиб, Яйпандаги тўқнашувга ортиқча изоҳга шарт эмас, деб ўтиб кетамиз. Ҳар қандай ҳолатда ҳам бу ўйин даҳшатли бўлади" - деб пост қолдирди Диёр Имомхўжаев.