Қанот ҳужумчиси Раҳим Стерлинг "Челси" сафида охирги марта 30 август куни рақиблар дарвозасини ишғол қилганди. Жамоа бош мураббийи Грэм Поттер футболчининг ҳолати ҳақида гапирди.
“Биз бир футболчига эмас, жамоага қарашимиз керак. Агар биз жамоа бўлиб яхшироқ ҳаракат қилсак, индивидуал футболчилар ҳам фойда кўради.
Раҳим турли позицияларда ўйнаш учун мослашувчанлик ва сифатга эга. Биз доимо тўғри мувозанат ва тўғри қарорларни топишга ҳаракат қиламиз” - деди Поттер журналистларга.
Эслатиб ўтамиз, Раҳим Стерлинг ёзги трансфер ойнасида "Манчестер Сити"дан "Челси"га ўтган эди. Англиялик футболчи "Челси" билан 5 йиллик шартнома имзолаган.
