“Металлург” кучлилар лигасида "Нефтчи" билан 43 бора тўқнаш келган. Ўзаро учрашувларнинг 24 тасида фарғоналиклар, 10 тасида бекободликлар ғалаба қозонишган. 9 та ўйин эса дуранг натижа билан якунланган. Киритилган ва ўтказиб юборилган тўплар нисбати водий жамоаси фойдасига – 75:40. Ўзаро ўйинларда “Нефтчи” 81, “Металлург” эса 39 очко жамғарган.

Бекободда ўтказилган баҳсларда мезбонлар 8 та ўйинда зафар қучган, 7 та ўйинда дуранг қайд этилган. 6 учрашувда эса меҳмонларнинг қўли баланд келган. Киритилган ва ўтказиб юборилган тўплар фарқи 24:23, бекободликлар фойдасига.

Бекободда ўтган сўнгги бешта учрашув:

28.07.2018.  «Металлург» - «Нефтчи»  1:0
25.11.2017.  «Металлург» - «Нефтчи»  1:0
22.11.2016.  «Металлург» - «Нефтчи»  1:0
11.04.2015.  «Металлург» - «Нефтчи»  0:1
03.05.2014.  «Металлург» - «Нефтчи»  2:1

“Нефтчи” ҳақида

“Нефтчи” ФКга 1962 йилда асос солинган. Жамоа “Нефтяник” номи остида иккинчи лига, бефер зона ҳамда биринчи лига мусобақаларида иштирок этган. Ўзбекистон мустақилликка эришгандан сўнг қаторасига 4 марта мамлакат чемпиони бўлган. Халқаро мусобақларда мамлакатимиз шарафини муносиб ҳимоя этган: МДҲ чемпионлари кубогининг финалчиси (1994), Осиё клублар чемпионати бронза медали совриндори (1994/95) бўлган.

Ўзбекистон чемпионатларида “Нефтчи” бугунгача 825 та учрашув ўтказган: шулардан 479 тасида ғалабага эришган, 134 тасида дуранга имзо чеккан, 212 ўйинни эса бой берган. Киритилган ва ўтказиб юборилган тўплар фарқи – 1593:887. Чемпионатдаги энг йирик ғалабаси – 8:0 (“Афросиёб”, 1997), энг йирик мағлубияти – 0:6 (“Пахтакор”, 2017).