"ПСЖ" бош мураббийи Кристоф Галтье Фабиан Руиснинг жамоага мослашиши ҳақида гапирди.
"Фабиан "Наполи"ни тарк этишдан олдин жамоадан ташқарида бўлганлиги сабабли жисмоний ҳолатида қийналган. Биз у бу ерга тўлиқ мослашгунча кутишимиз кераклигини билардик. Барча ўйинчиларга янги муҳитга кўникиш учун вақт керак, лекин Руисга алоҳида умидлар бор.
Трансфердан олдин Фабианни узоқ вақт кузатиб бордик. Эҳтимол, биринчи ўйинларда у ўзининг энг яхши ўйинини кўрсатмагандир, лекин биз унга ишонишда давом этамиз, чунки биз унинг қобилиятлари ҳақида биламиз", деди Галтье.
