"Манчестер Юнайтед" Майкл Эдвардсни клуб спорт директори этиб тайинлашга яқин турибди, дея хабар беради Football Insider.
Манкунианликлар 43 ёшли мутахассиснинг жамоага ўтиши учун 2023 йилнинг ёзигача кутишга тайёр. Аввалроқ, Эдвардс "Ливерпуль"да (2011-2022) жамоанинг трансфер сиёсати билан шуғулланган.
"Манчестер Юнайтед" бу англияликни ўтмишдаги кўплаб қиммат хатолардан сўнг клуб трансферларини бошқара оладиган шахс сифатида кўрмоқда.
Илгари "Ливерпуль"нинг собиқ директорига "Челси" ҳам қизиқиш билдирганди, аммо у таътилини тезда тўхтатмоқчи эмаслигини айтиб, уларни рад этди.
