"Рейнжерс" бош мураббийи Жованни ван Бронкхорст Чемпионлар лигаси гуруҳ босқичи 5-тури доирасидаги "Наполи"га қарши ўйиндан умидлари билан ўртоқлашди.
“Биз қийин даврни бошдан кечиряпмиз. Ундан чиқишнинг энг яхши усули яхши натижага эришишдир. Бизга кучли жамоа қаршилик қилади ва биз бор кучимизни беришимиз керак. "Наполи" - қийин вазиятимизда энг ёмон вариант. Улар кетма-кет 11 ўйинда ғалаба қозонишди, аммо биз буни аллақачон биламиз. Биз ғалаба қозониш учун қўлимиздан келганини қиламиз", - деди Ван Бронкхорст.
“Наполи” – “Рейнжерс” учрашуви эртага, 26 октябрь куни бўлиб ўтади. Учрашув Тошкент вақти билан 23:59 да бошланади.
