"ПСЖ" президенти Носир Ал-Хелайфи парижликларнинг жорий мавсумда Чемпионлар лигасида ғалаба қозониш имкониятлари ҳақида ўз фикрлари билан ўртоқлашди.
"Нимага йўқ? Мавсум бошланишидан олдин айтганимдек, "ПСЖ" шу мақсад сари интилмоқда. Биз ҳозир ғалаба қозониш ҳақида ўйламаяпмиз, чунки ҳали олдинда узоқ йўл бор. Жамоа хотиржамликни сақлайди ва аста-секин ўйиндан ўйинга кучайиб боради” - деди Ал-Хелайфи Canal+ билан суҳбатда.
Париж гранди Чемпионлар лигасининг плей-офф босқичига муддатидан олдин йўлланмани қўлга киритди. Гуруҳ босқичининг сўнгги ўйинида Кристоф Галтье шогирдлари Туриннинг “Ювентус” клуби билан меҳмонда тўқнаш келишади.
