"Динамо" Ўзбекистон чемпионати доирасида АГМКга қарши 21 марта тўқнаш келган. Баҳсларнинг 7тасида "Динамо" ғалаба нашидасини сурган бўлса, 10та ўйин "кончилар"нинг ғалабаси билан тугаган. 4 та учрашувда эса жамоалар муроса йўлини танлаган.
Голлар нисбати 22:29 кўринишида, олмалиқликлар фойдасига. Баҳсларда АГМК 34, "Динамо" 25 очкони қўлга киритган.
"Динамо"нинг ўзаро ўйинларда қозонган энг йирик ғалабаси – 4:2 га тенг. АГМКнинг энг йирик ғалабаси эса 3:1 натижасидир. Жамоаларнинг Суперлига доирасида Самарқанддаги ўзаро сўнгги учрашувида "Динамо" 1-даврада 1:2 ҳисобида мағлуб бўлган эди.
