"Бавария" ҳимоячиси Лука Эрнандес бугун "Камп Ноу"да бўлиб ўтадиган Чемпионлар лигаси доирасида "Барселона"га қарши ўйиндан олдинги фикрлари билан ўртоқлашди.
Эслатиб ўтамиз, немис клуби гуруҳ босқичининг 4 учрашувида 4 та ғалаба эвазига плей-офф босқичига йўлланмани қўлга киритган эди.
"Бавария" "Барселона"га қарши ўйинда бор кучини беради. Гуруҳдан чиқдикми ёки йўқми фарқи йўқ. Жамоа ғалаба учун ҳамма нарсани максимал даражада беради, бу немис менталитети", - деди Эрнандес Barca Universal билан суҳбатда.
Эслатиб ўтамиз, Лука тез орада "Бавария" билан янги шартнома имзолайди. Футболчининг "Барселона" билан ўйинда иштирок этиши даргумон, чунки у ҳали жароҳатидан тўлиқ фориғ бўлмаган.
