ЕЧЛнинг гуруҳ босқичи 5-турида "Интер" ўз майдонида Чехиянинг "Виктория" жамоасини қабул қилди.

Учрашувнинг муҳимлиги нафақат "Интер", балки "Барселона" учун ҳам эътиборли эди.

Ўйиннинг 35-дақиқасигача "Виктория" яхши ҳимояланди. Лекин, айнан шу дақиқада Мхитарян томонидан киритилган биринчи голдан кейин "Интер"ни тўхтатишни иложи қолмади.

Жеконинг дубли ва Лукакунинг голидан кейин "Интер" 4:0 ҳисобида ғалаба қозониб, плей-офф йўлланмасини қўлга киритиш билан бир қаторда, "Барселона"ни Европа Лигасига равона қилди.

"Интер" – "Виктория" (Пльзень) Чехия 4:0

26 октябрь, 21.45, «Джузеппе Меацца (Сан-Сиро)»

Голлар: 1:0 – 35 Мхитарян, 2:0 – 42 Джеко, 3:0 – 66 Джеко, 4:0 – 87 Лукаку.

"Интер" – Онана, Думфрис, Ачерби, Шкриньяр, Бастони, Димарко (Гозенс, 77), Мхитарян (Гальярдини, 83), Чалханоглу (Аслани, 71), Барелла, Джеко (Корреа, 71), Мартинес (Лукаку, 83).

"Виктория" (Пльзень) – Станек, Гавел, Гейда, Перница, Тижани (Емелка, 52), Москера, Влканова (Пиларж, 84), Калвах (Ндиай, 70), Йирка (Голик, 46), Буха, Басси (Хоры, 46).

Огоҳлантиришлар: Москера (45), Перница (49).