"Барселона" президенти Жоан Лапорта клуб мухлисларини кўнглини чўктирмасликка чақирди.

Каталония жамоаси "Камп Ноу"да "Бавария"дан йирик ҳисобда мағлуб бўлди (0:3). Бироқ, жамоанинг турнирдан расман тушиб кетиши бундан олдинроқ, "Интер" Чехиянинг "Виктория"си билан (4:0) ўйнаб, гуруҳда иккинчи ўринни кафолатлаганида эълон қилинган эди.

“Биз олдинга қарашимиз керак, чунки биз қайта қуриш жараёнида кўтарилиш ва пасайишлардан ўтишимиз кераклигини билардик. Мухлисларга мурожаат қилмоқчиман: келажагимизга эътибор қаратайлик. Хави ёш ўйинчилар ўсиши учун ёшларга фаол имконият беряпти", - дея Лапортанинг сўзларидан иқтибос келтиради машҳур инсайдер Фабрицио Романо.