"Тоттенхэм" мураббийи Антонио Конте Чемпионлар лигаси доирасида "Спортинг"га қарши уй учрашуви (1:1) натижасидан норози.
Иккинчи бўлимга қўшиб берилган вақтда ҳакамлар видеотакрорларни томоша қилиб, Харри Кейннинг голини бекор қилишди, бу эса италиялик мутахассисни норози қилди.
“ВАР жуда кўп муаммоларни келтириб чиқаради. Кўришни истардимки, улар қайсидир гигантнинг стадионида бу голни бекор қилишга журъат этадими? Ҳаддан ташқари адолатсизлик.
Иккинчи бўлим яхши ўтди, биз шиддатли ўйнадик ва ғалаба қозонишга ҳақли эдик. Аммо натижага нима тўсқинлик қилганини ҳаммамиз биламиз", - деди Антонио Конте ўйиндан кейин.
Сўнгги тур олдидан “Тоттенхэм” 8 очко билан гуруҳда пешқадамлик қилмоқда. “Спортинг” ва “Айнтрахт” 7 очкодан, “Марсель” эса 6 очкодан жамғарган.
