Мадриднинг “Атлетико” клуби дарвозабони Ян Облак жамоасининг Чемпионлар лигасини тарк этиши ҳақида фикр билдирди. Гуруҳ босқичининг 5-тур учрашувида “матрасчилар” “Баер” билан дуранг ўйнади (2:2), бу натижа Диего Симеоне шогирдларини мусобақадан четда қолдирди.
“Бу жуда шафқатсиз якун бўлди. Лекин бу футбол. Жамоа қўлидан келганини қилди, аммо олдинги ўйинлардаги натижалар ҳаммасини бузди. Жуда ачинарли натижа. Бизга омад етишмади, у эса бундай ҳолатларда жуда зарур", - дея словениялик дарвозабоннинг сўзларидан иқтибос келтиради УEФА матбуот хизмати.
Беш турдан сўнг "Атлетико" гуруҳда учинчи ўринни эгаллаб турибди ва "Баер" билан Европа лигасига кириш учун курашмоқда.
