«Реал» ҳужумчиси Карим Бензема «Олтин тўп»ни қабул қилиб олишга жиддий ҳозирлик кўрганини қўлидаги соати билан ҳам билинтириб қўйди.
Франциялик янги лауреат Париждаги маросимда баҳоси 435 минг фунтга тенг Richard Mille қўл соатини кўз-кўз қилди. Таққослаш учун айтсак, Бенземанинг сўровдаги рақибларидан бири Роберт Левандовски маросимга Cacio брендига мансуб оддий соатни танлади. Marca маълумотига қараганда, ушбу қўл тақинчоғининг баҳоси жуда паст - атиги 52 фунт.
Умуман, 34 ёшли Карим Бензема тақдирлаш маросимида ўзига хос кийиниш услубини кўрсатди. Танланган услуб унга саҳнада жумладан, деярли ярим миллион фунт турадиган Richard Mille соатини яққол реклама қилиш имконини берди. Таъкидланишича, Бенземанинг қўл соати унга энг мураккаб даврларни эслатиб туради. Аниқроғи, Матьё Вальбуэна билан юзага келган машҳур можаро туфайли Франция терма жамоасидан ҳайдалгани, «Реал»да эса Криштиану Роналду соясида қолиб кетганини. Айтишларича, Каримнинг севимли матоҳи махсус буюртма асосида тайёрланган. Ўз ўрнида айтиш керак, ҳужумчи «Реал»да ҳафтасига 275 минг фунт миқдорида маош олади. Йиллик иш ҳақи эса 62,5 миллион фунтга етади. Бас шундай экан, Бензема учун бундай қимматбаҳо соат олиш чўт эмас. Ахир атиги 2 ҳафталик маоши етади.
«Олтин тўп» учун яна бир даъвогар Роберт Левандовски эса маросимда ҳаммаси оддийроқ бўлишини маъқул кўрди. У маросимга рафиқаси Анна ҳамроҳлигида борди, қўлида эса 52 фунтлик Cacio соати бор эди. Польшалик голеадор «Барселона»да Каримга нисбатан деярли икки баравар кам маошга эга - ҳафтасига 150 минг фунт. Иккинчи томондан, Леваголнинг йиллик даромади 75 миллион фунтни ташкил этади. Қисқаси, умумий топиши Бенземаникидан яхшироқ.
Алоҳида факт: Бензема яқин орада Левандовскидан икки марта устун келди. Биринчиси - Карим «Эль-класико»да гол урди ва «Реал» асосий рақиби «Барселона»ни осонгина (3:1) мағлуб этди. Иккинчиси - Бензема «Олтин тўп» сўровида 1-ўринни олди, Левандовски эса 4-поғона билан чекланди. Бунга қўшимча тарзда франциялик тўпурар дабдабали қўл соати масаласида ҳам польшаликдан яққол устун кўринди.
| 14/11 05:00 | Уругвай | - | Колумбия | ||
| 14/11 05:00 | Перу | - | Чили | ||
| 14/11 14:10 | Австралия | 0-0 | Саудия Арабистони | ||
| 14/11 17:00 | КХДР | 2-3 | Эрон | ||
| 14/11 19:00 | Баҳрайн | 0-1 | Хитой | ||
| 14/11 19:00 | Кувайт | 1-3 | Жанубий Корея | ||
| 14/11 21:00 | Уммон | 1-0 | Фаластин | ||
| 14/11 21:15 | Ироқ | 0-0 | Иордания | ||
| 14/11 21:15 | Қатар | 3-2 | Ўзбекистон | ||
| 14/11 21:15 | БАА | 3-0 | Қирғизистон | ||
| 15/11 02:00 | Венесуэла | 1-1 | Бразилия | ||
| 15/11 04:30 | Парагвай | 2-1 | Аргентина | ||
| 15/11 05:00 | Эквадор | 4-0 | Боливия | ||
| 15/11 17:00 | Индонезия | - | Япония |
Карим Бензема «Олтин тўп» маросимига таққан соат ҳақида
| Баҳо: |
+1 | -
|
Рукн: Янгиликлар
Манба: «Интерфутбол» газетаси
Киритилди: 18:16, 27.10.2022.
Ўқилди: 3471 марта.
Фикрлар: 0 та.
Ўқилди: 3471 марта.
Фикрлар: 0 та.
ЭНГ КЎП ЎҚИЛГАН ЯНГИЛИКЛАР
Майк Тайсон оғир вазндаги энг кучли боксчини айтди [8473]
"Реал" Крооснинг ўрнини боса оладиган футболчини аниқлади [4889]
ЖЧ-2026 саралаш. Қатар - Ўзбекистон. Таркиблар аниқ [4824]
"Ливерпуль" билан ўйинда "Реал" ҳимоясида ким ўйнаши маълум бўлди [4682]
Роналду: "Португалия, раҳмат" [4493]
Рамос ўз хизматларини "Реал"га таклиф қилди - жавоб маълум [3887]
Рамос янги клубга ўтишга яқин турибди [3641]
Эндрик «Реал»дан Роналдонинг клубига ўтиши мумкин [2989]
Globe Soccer Awards: йилнинг энг яхши футболчиси соврини учун номзодлар эълон қилди [2964]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|