"Барселона" ҳужумчиси Роберт Левандовски Испания чемпионатининг 11 турида 12 та гол урди. Илгари фақат “Реал”нинг собиқ ҳужумчиси Криштиану Роналду 2014/2015 йилги мавсумни шундай муваффақиятли бошлаган, у Ла Лиганинг 12 учрашувида 20 та гол урган эди. Бу ҳақда Squawka хабар бермоқда.
34 ёшли Левандовски 2022 йилнинг ёзидан буён “Барселона” сафида тўп суради. Жамоа таркибида жами 16 та ўйинда 17 та гол урди ва 4 та голли узатмани амалга оширди. Томонлар ўртасидаги келишув 2026 йилгача тузилган. Уни яна бир мавсумга узайтириш мумкин.
