Мексиканинг “УНАМ Пумас” клуби ҳимоячиси Дани Алвеш “Барселона Атлетик” ("Барселона"нинг иккинчи жамоаси) сафида бўлажак жаҳон чемпионатига тайёргарлик кўрмоқда. Бу ҳақда "Барселона" матбуот хизмати расмий сайтида хабар берди.

39 ёшли Алвеш Мексика чемпионатидаги мавсумни 1 октябрда якунлади, шунинг учун у Қатарда 20 ноябрдан 18 декабргача бўлиб ўтадиган жаҳон чемпионати бошланишидан олдин ўзини яхши ҳолатда сақлаши керак.

Алвеш дунёдаги энг кўп соврин қўлга киритган футболчи. "Севилья", "ПСЖ", "Ювентус" ва "Барселона"нинг собиқ футболчисининг совринлар коллекциясида 30 дан ортиқ мукофот бор.