Мадриднинг “Реал” клуби бош мураббийи Карло Анчелотти қишки трансфер ойнасидаги режалари билан ўртоқлашди.
"Биз қишки трансфер бозорига киришдан манфаатдор эмасмиз. Бу таркиб билан мавсум охиригача ўйнаймиз, у ўзгармайди.
Ҳа, Милитао ва Родриго Испания фуқаролигини олишди, шунинг учун бизда энди Европа Иттифоқига аъзо бўлмаган футболчилар учун кўпроқ ўринлар мавжуд.
Вальверде дунёнинг энг яхши ярим ҳимоячисими? Билмайман, лекин, албатта, энг яхшиларидан бири. Бу ҳамма учун кашфиёт.
Бензема "Жирона"га қарши ўйнамайди, Родриго ўйинда иштирок этишга тайёр. Карим кеча машғулот ўтказди, аммо машғулотдан кейин ўзини яхши ҳис қилмади. У жароҳатланмаган. Модрич, Вальверде, Себальос ва Мариано машғулотларга қайтишади.
Биз бу ўйинда ғалаба қозониш учун мотивациямиз бор", - деди Анчелотти матбуот анжуманида.
