Пеп Гвардиола ўтган ҳафта нима учун Кевин де Брюйненинг формасини танқид қилганини тушунтирди.
“У энг яхши ўйинини кўрсатмаяпти. У ажойиб гол урди, лекин у энг зўр ўйнамаяпти ва буни ўзи ҳам билади”, деди испаниялик мутахассис “Манчестер Сити”нинг “Брайтон” устидан қозонилган ғалабасидан сўнг (3:1).
“Биз етти мавсумни бирга ўтказдик. Биз бирга ухлашдан бошқа ҳамма нарсани бошдан кечирдик. Бизда ҳамма нарса бор эди.
У ҳақидаги, унинг клуб ва шахсан мен учун қилган ишлари ҳақидаги фикримни ҳеч нарса ўзгартира олмайди. Бироқ, менинг ишимнинг бир қисми мен кўпроқ нарсани талаб қилишимни айтишдир ", деди Гвардиола "Лестер"га қарши ўйиндан кейин (1:0).
