Жерар Пике "Валенсия"га қарши ўйинда захирадан майдонга тушишга тайёр эмас эди.
"Валенсия" - "Барселона" (0:1) учрашувининг иккинчи бўлимида Жюль Кунде жароҳат олди ва Хави Пикени зудлик билан майдонга туширди. Бироқ, Жерарга майдонга кириш учун одатдагидан кўпроқ вақт керак бўлди.
Ҳимоячи пайпоқ ва оёқ ҳимоя қалқонисиз, захира ўриндиғида ўтирганди. Бутсиларни кийиш вақти келганида, боғичларда тугун борлиги маълум бўлди. Серхи Бускетс Пикега уни ечишга ёрдам берди.
"Пикенинг бутсалари ёки ҳимоя қалқонлари йўқ эди, чунки у майдонга тушишни кутмаганди. Қизиб олишга ҳам унинг вақт йўқ эди, - деди ўйиндан сўнг каталонияликлар бош мураббийи Хави.
