Альваро Мората Ла Лига ўйинида жиддий жароҳат олди.

"Атлетико" ҳужумчиси Испания чемпионатининг 12-турида "Кадис" билан ўйинда (2:3) мадридликлар сафида асосий таркибда майдонга тушди ва 10-дақиқада алмаштирилди. Ҳужумчи ҳимоячи Мамаду Мбае билан тўқнашувдан сўнг рақиб жарима майдончасида йиқилди.

Учрашув бош ҳаками Хосе Мария Санчес Мартинес пенальти белгиламади ва унинг ВАР ёрдамчилари ҳам пенальти белгилаш учун ҳеч қандай сабаб кўрмадилар. Мората ўрнидан турди, лекин бир-икки дақиқадан сўнг у ерга ётиб олди. У учрашувни давом эттира олмади ва майдонни йиғлаб тарк этди. Клуб ҳужумчининг оёғидан жароҳат олганини маълум қилди.

Футболчининг тикланиш вақти номаълум. Ушбу жароҳат туфайли у Испания терма жамоасининг ЖЧ-2022 учун якуний таркибига киритилмаслиги мумкин - Луис Энрике буни 12 кундан кейин эълон қилади.

Мората жорий мавсумда Ла Лигада 12 та учрашувда 5 та гол урди ва 1 та голли узатмани амалга оширди.