"Брайтон" ўзининг ярим ҳимоячиси Мойсес Кайседони 100 миллион еврога сотишга тайёр. Футболчига "Ливерпуль" ва Англия Премьер-лигасининг бошқа бир қанча жамоалари қизиқиш билдирмоқда. Бу ҳақда Mirror нашри хабар бермоқда.
20 ёшли Кайседо Эквадорнинг "Индепендиенте" клуби тарбияланувчиси ҳисобланади. Мойсес “Брайтон”га 2021 йилнинг февраль ойида келган, бироқ ўтган мавсумнинг ярмини Бельгиянинг “Берсхот” клубида ижара асосида ўтказган. Жорий мавсумда Кайседо Англия Премьер-лигасида (АПЛ) 12 ўйинда майдонга тушиб, битта гол урди. Томонлар ўртасидаги келишув уч йилдан кейин тугайди. Эквадорлик футболчининг бозор қиймати Transfermarkt томонидан 25 миллион еврога баҳоланган.













