"Brayton" o‘zining yarim himoyachisi Moyses Kaysedoni 100 million yevroga sotishga tayyor. Futbolchiga "Liverpul" va Angliya Premyer-ligasining boshqa bir qancha jamoalari qiziqish bildirmoqda. Bu haqda Mirror nashri xabar bermoqda.
20 yoshli Kaysedo Ekvadorning "Independiyente" klubi tarbiyalanuvchisi hisoblanadi. Moyses “Brayton”ga 2021 yilning fevral oyida kelgan, biroq o‘tgan mavsumning yarmini Belgiyaning “Bersxot” klubida ijara asosida o‘tkazgan. Joriy mavsumda Kaysedo Angliya Premyer-ligasida (APL) 12 o‘yinda maydonga tushib, bitta gol urdi. Tomonlar o‘rtasidagi kelishuv uch yildan keyin tugaydi. Ekvadorlik futbolchining bozor qiymati Transfermarkt tomonidan 25 million yevroga baholangan.













