"Лацио" бош мураббийи Маурицио Сарри "Салернитана"га қарши ўйинда ҳакам ишидан норози.

Римликлар 1:3 ҳисобида мағлуб бўлишди ва 73-дақиқада жамоа етакчиси Сергей Милинкович-Савич сариқ карточка олди, шу сабаб кейинги турда “Рома”га қарши дербида майдонга туша олмайди.

"Бу нафақат сариқ карточка, балки қоидабузарлик ҳам эмас. Футболни 50 йиллик томоша қилишим давомида мен ҳеч қачон тўпга эгалик қилган жамоа бундай вазиятда сариқ карточка олганини кўрмаганман. Агар бу ҳақда ўйлаган барча фикрларимни билдирсам, олти ойга дисквалификация қилинаман", - деди "Лацио" устози DAZN нашрига берган интервюсида.