А Сериянинг 12-тури доирасида "Торино" ўз майдонида амалдаги чемпион "Милан"ни (2:1) мағлуб этди.
Меҳмонлар бош мураббийи Стефано Пиоли “россонери”нинг муаммоси нимада эканлигини айтиб ўтди: "Жамоа етарлича аниқ ҳаракат қилмади, юқори савияни кўрсата олмади. Бизда учрашув натижасини белгилаб берган асосий эпизодларда талаб қилинадиган қатъият йўқ эди.
Шубҳасиз, бу оқшом биз учун энг яхшиси бўлмади. Иккинчи бўлимда биз ўзимизни яхшиладик, аммо олдинроқ гол уришимиз керак эди. Жуда аламли мағлубият бўлди", - деди Пиоли.
"Милан" 26 очко билан А Серияда учинчи ўринда, "Аталанта"дан бир очко, "Наполи" эса 6 очкога ортда қолмоқда.