“Навбаҳор” ҳамда “Насаф” жамоалари ўртасидаги Ўзбекистон кубоги финал учрашувидан (1:2) сўнг матбуот анжумани бўлиб ўтди. Унинг дастлабки қисмида наманганликлар устози Самвел Бабаян иштирок этди.
“Аввало “Насаф”ни ғалаба билан табриклайман. Ўйин тенг курашлар остида кечди. Бугун улардан ҳеч бир жабҳада қолишмадик. Шунчаки, битта гол кам урдик. Мухлисларга раҳмат айтаман, узоқ йўлни босиб келганига қарамай, охиригача бизни қўллаб-қувватлаб туришди. Футболчиларимга ҳам алоҳида раҳмат. Кубокни Наманганга олиб кетиш учун бор кучлари билан ҳаракат қилишди, афсуски уддалай олмадик. Энди, чемпионатнинг қолган уч ўйинига максимал таёргарлик кўрамиз", - деди Бабаян.
