Ўзбекистон терма жамоаси ва “Краснодар” клуби собиқ футболчиси Одил Аҳмедов Россия Премьер-лигасида ўйнай олмаган ҳамюртимиз Остон Ўруновнинг фаолияти ҳақида гапирди.
"Ўруновда салоҳият бор ва у Россияда ҳам, Европада ҳам яхши клубда ўйнай олади. Лекин характери бўйича, у қандай бўлса шундай бўлиб чиқяпти", - деди Аҳмедов "Спорт24" билан суҳбатда.
Эслатиб ўтамиз, Россия чемпионатида 21 ёшли ярим ҳимоячи Москванинг “Спартак”, “Уфа” ва “Урал” жамоаларида тўп сурган. Остон жорий мавсумда Премьер-лигада иккита ўйинда гол ура олмади.
Аввалроқ матбуотда Ўруновнинг “Навбаҳор”га ўтиши мумкинлиги ҳақида хабарлар тарқалган эди.
