O‘zbekiston terma jamoasi va “Krasnodar” klubi sobiq futbolchisi Odil Ahmedov Rossiya Premyer-ligasida o‘ynay olmagan hamyurtimiz Oston O‘runovning faoliyati haqida gapirdi.
"O‘runovda salohiyat bor va u Rossiyada ham, Yevropada ham yaxshi klubda o‘ynay oladi. Lekin xarakteri bo‘yicha, u qanday bo‘lsa shunday bo‘lib chiqyapti", - dedi Ahmedov "Sport24" bilan suhbatda.
Eslatib o‘tamiz, Rossiya chempionatida 21 yoshli yarim himoyachi Moskvaning “Spartak”, “Ufa” va “Ural” jamoalarida to‘p surgan. Oston joriy mavsumda Premyer-ligada ikkita o‘yinda gol ura olmadi.
Avvalroq matbuotda O‘runovning “Navbahor”ga o‘tishi mumkinligi haqida xabarlar tarqalgan edi.
