"Брайтон"нинг ҳужумкор ярим ҳимоячиси Леандро Троссар бу мавсумда яхши ҳаракат қилмоқда. Бельгиялик футболчи Премьер-лиганинг 12 учрашувида 7 та гол урди ва шерикларига 2 та самарали узатма берди.
Леандро Троссарга "Челси" фаол қизиқиш билдирмоқда. Лондонда 27 ёшли бельгиялик футболчи "Брайтон"даги собиқ устози Грэм Поттер билан яна учрашиши мумкин.
Троссарнинг "Брайтон" билан амалдаги шартномаси мавсум охирида тугайди, яъни бельгиялик футболчи билан ёзда текинга шартнома имзолаш мумкин. Бироқ “Челси” кутишни режалаштирмаяпти, "кўклар" трансферни январь ойида амалга оширмоқчи, деб ёзмоқда The Express нашри.
Тransfermarkt экспертлари Леандро Троссарни 25 миллион еврога баҳолаган.
