Германиянинг "Байер" жамоаси устози Хаби Алонсо Чемпионлар лигаси гуруҳ босқичи 6-турида Бельгиянинг "Брюгге" клубига қарши бўлиб ўтадиган учрашув ҳақида фикр билдирди.
“Биз учун Европа Лигаси бўлса ҳам, Европа мусобақаларида ўйнашни давом эттириш муҳим бўлади. "Байер" ушбу турнир йўлланмаси учун курашади. Биз майдонга чиқиб, мукаммал ўйин кўрсатишимиз керак. Параллел ўйин натижасига таянмаймиз. Биз ўзимиз ғалаба қозонишимиз керак", - деди испаниялик мураббий УЕФА матбуот хизматига.
1 ноябрь куни Леверкузендаги "Бай Арена"да "Баер" "Брюгге"га қарши баҳс олиб боради. Учрашув Тошкент вақти билан соат 22:45 да бошланади.
