"Астон Вилла" клуби "Реал" ярим ҳимоячиси Эден Азарга қизиқиш билдирмоқда, дея хабар беради Defense Central.
Бирмингемликларнинг янги бош мураббийи Унаи Эмери трансферни маъқуллайди, чунки у Азарни "жамоанинг ҳужум чизиғида етакчи бўла оладиган" футболчи сифатида кўради.
“Қироллик клуби” 31 ёшли бельгиялик футболчи билан хайрлашишга қарор қилган, бироқ ҳозирча ҳеч қайси жамоа Мадридга расмий таклиф билан чиққани йўқ.
Эслатиб ўтамиз, "Реал Мадрид" 2019 йилда Азарнинг трансфери учун 110 миллион евродан ортиқ маблағ тўлаган, бу бельгиялик футболчини "қаймоқранглилар" тарихидаги энг қиммат футболчига айлантирган.
Жорий мавсумда Азар клуб сафида барча турнирлар доирасида 5 та ўйинда майдонга тушиб, 1 та гол урди ва 1 та голли узатмани амалга оширди.
