"Aston Villa" klubi "Real" yarim himoyachisi Eden Azarga qiziqish bildirmoqda, deya xabar beradi Defense Central.
Birmingemliklarning yangi bosh murabbiyi Unai Emeri transferni ma’qullaydi, chunki u Azarni "jamoaning hujum chizig‘ida yetakchi bo‘la oladigan" futbolchi sifatida ko‘radi.
“Qirollik klubi” 31 yoshli belgiyalik futbolchi bilan xayrlashishga qaror qilgan, biroq hozircha hech qaysi jamoa Madridga rasmiy taklif bilan chiqqani yo‘q.
Eslatib o‘tamiz, "Real Madrid" 2019 yilda Azarning transferi uchun 110 million yevrodan ortiq mablag‘ to‘lagan, bu belgiyalik futbolchini "qaymoqranglilar" tarixidagi eng qimmat futbolchiga aylantirgan.
Joriy mavsumda Azar klub safida barcha turnirlar doirasida 5 ta o‘yinda maydonga tushib, 1 ta gol urdi va 1 ta golli uzatmani amalga oshirdi.
