Чемпионлар лигаси гуруҳ босқичининг сўнгги ўйинида Англиянинг "Ливерпуль" клуби икки гол уриб, Италиянинг "Наполи"сидан йирик мағлубият учун қасос олишга муваффақ бўлди, аммо "Наполи" ҳали ҳам ўз гуруҳида биринчи бўлиб қолди. "Наполи" бош мураббийи Лучано Спалетти жамоаси гуруҳда биринчи ўринга лойиқ деб ҳисоблайди.
"Биз жуда яхши ўйнадик, узоқ вақт давомида тўпни назорат қила олдик. Ачинарлиси, ҳужумларни якунлашнинг имкони бўлмади. Биз ғалаба қозонишни хоҳлагандик, аммо рақиб анча чидамли бўлиб чиқди ва ўйин охиригача олинган ритмни сақлаб қола олди. Биз гуруҳда биринчи ўринга лойиқ эдик", дейди мураббий.
