Chempionlar ligasi guruh bosqichining so‘nggi o‘yinida Angliyaning "Liverpul" klubi ikki gol urib, Italiyaning "Napoli"sidan yirik mag‘lubiyat uchun qasos olishga muvaffaq bo‘ldi, ammo "Napoli" hali ham o‘z guruhida birinchi bo‘lib qoldi. "Napoli" bosh murabbiyi Luchano Spaletti jamoasi guruhda birinchi o‘ringa loyiq deb hisoblaydi.
"Biz juda yaxshi o‘ynadik, uzoq vaqt davomida to‘pni nazorat qila oldik. Achinarlisi, hujumlarni yakunlashning imkoni bo‘lmadi. Biz g‘alaba qozonishni xohlagandik, ammo raqib ancha chidamli bo‘lib chiqdi va o‘yin oxirigacha olingan ritmni saqlab qola oldi. Biz guruhda birinchi o‘ringa loyiq edik", deydi murabbiy.
