“Ливерпуль” ҳужумчиси Муҳаммад Салоҳ клуб афсонаси даражасига етди.
Мисрлик футболчи Чемпионлар лигаси гуруҳ босқичи 6-тури доирасидаги ўйиннинг 85-дақиқасида Италиянинг “Наполи” клубини ранжитиб, қарама-қаршиликда ҳисобни очди. Бу гол Салоҳ учун "Ливерпуль" сафида еврокубоклар доирасидаги 41-гол бўлди - худди шундай рақамни ўз ҳисобидан "қизиллар"нинг машҳур собиқ ярим ҳимоячиси Стивен Жеррард қайд этган эди.
Учрашувда гол урган Муҳаммад Салоҳ "ПСЖ" ҳужумчиси Килиан Мбаппени ортда қолдириб, жорий Чемпионлар лигасида 7 та гол билан биринчи ўринга чиқди.
